རང་ཚགས་པར་གྱི་འཕྲིན།ཉེ་སྔོན།རྒྱལ་ཡོངས་བོད་ལུགས་གསོ་རིག་རུས་རྨའི་རིག་གཞུང་བགྲོ་གླེང་ཚོགས་འདུ་ཞིན་ཧེ་རྫོང་དུ་བསྡུས་ཤིང་།ཐེངས་འདིའི་བགྲོ་གླེང་ཚོགས་འདུར་བོད་འབྲེལ་ས་ཁུལ་གྱི་སྨན་བཅོས་ལས་ཁུངས་གཅིག་ནས་ཡོང་བའི་རིག་གནས་པ216དང་པེ་ཅིང་དང་ཅང་ཞི།ཧུའུ་ནན།ཡུན་ནན་སོགས་ས་ཆ་ནས་ཡོང་བའི་ཆེད་མཁས་པ9ཚོགས་འདུར་ཞུགས།

ཚོགས་ཐོག་ཏུ།ཞིན་ཧེ་རྫོང་བོད་སྨན་ཁང་དང་ཞིང་ཆེན་ཕྱི་ནང་གི་བོད་སྨན་ཁང་སྐོར་ཞིག་གིས་རུས་རྨའི་ཚན་ཁག་མནའ་འབྲེལ་གྱི་གྲོས་མཐུན་བཀོད་པ་དང་།ཞིང་ཆེན་ཕྱི་ནང་གི་མིང་དུ་གྲགས་པའི་བོད་ལུགས་གསོ་རིག་གི་རུས་རྨའི་ཆེད་མཁས་པ་ཚོས་བོད་ལུགས་གསོ་རིག་གི་རུས་རྨའི་ལོ་རྒྱུས་དང་གཞུང་ལུགས་མ་ལགནད་དཔྱད་བྱེད་ཐབས།བརྟག་བཅོས་ལག་རྩལ་སོགས་ཕྱོགས་ནས་བརྗོད་དོན་སྙན་ཞུ་ཕུལ་བ་མ་ཟད།བོད་ལུགས་གསོ་རིག་རུས་རྨའི་རྨང་གཞི་ཞིབ་འཇུག་དང་ནད་ཐོག་བཀོལ་སྤྱོད།བདེ་སྲུང་སྨན་བཅོས་སོགས་གླེང་གཞི་མང་པོར་དམིགས་ནས་བརྗེ་རེས་དང་བགྲོ་གླེང་བྱས་ནས།རང་སོ་སོའི་ཞིབ་འཇུག་གྲུབ་འབྲས་དང་ནད་ཐོག་སྨན་བཅོས་ཀྱི་ཉམས་མྱོང་མཉམ་སྤྱོད་བྱས།

ཐེངས་འདིའི་བགྲོ་གླེང་ཚོགས་འདུ་ལས།རྒྱལ་ཡོངས་ཀྱི་བོད་ལུགས་གསོ་རིག་གི་རུས་རྨའི་ཁྱབ་ཁོངས་ཀྱི་རིག་གཞུང་བརྗེ་རེས་དང་མཉམ་ལས་ལ་ཤུགས་བསྣན་པ་དང་།བོད་ལུགས་གསོ་རིག་གི་རུས་རྨ་རིག་པའི་རྒྱུན་འཛིན་གསར་གཏོད་དང་འཕེལ་རྒྱས་ལ་སྐུལ་འདེད་བཏང་སྟེ།བོད་ལུགས་གསོ་རིག་གི་རུས་རྨའི་ལས་དོན་འཕེལ་རྒྱས་གཏོང་བའི་ཐད་རྨང་གཞི་བརྟན་པོ་བཏིངས།།