རང་ཚགས་པར་གྱི་འཕྲིན།ཟླ7ཚེས24ཉིན།ཞིང་ཆེན་ཏང་ཨུའི་ཧྲུའུ་ཅི་གཞོན་པའམ་ཧྲིན་ཀྲང་ཝུའུ་ཞའོ་ཅུན་ཁྲི་ཀ་རྫོང་དུ་སོང་ནས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སྒྲོག་འགྲེལ་བྱས།ཁོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་གཏིང་ཟབ་དང་ལག་ལེན་དོན་འཁྱོལ་བྱེད་པ་དང་།ཞིང་ཆེན་ཏང་ཨུའི་སྐབས་བཅུ་བཞི་པའི་ཚང་འཛོམས་གྲོས་ཚོགས་ཐེངས་དྲུག་པའི་དགོངས་དོན་ལག་བསྟར་ནན་མོ་བྱེད་པ།བློ་རྩ་བརྟན་པོས་བཅོས་སྒྱུར་ཕྱོགས་ཡོངས་ནས་གཏིང་ཟབ་ཏུ་སྤེལ་ནས།སྤུས་ཚད་མཐོ་བའི་འཕེལ་རྒྱས་ཀྱི་སྒུལ་ཤུགས་གསར་པ་དང་གསོན་ཤུགས་གསར་པ།རྣམ་པ་གསར་པ་བསྐྲུན་པར་ཧུར་ཐག་བྱ་དགོས་པ་བསྟན།

ཝུའུ་ཞའོ་ཅུན་རྨ་ཤར་སྡེ་བ་རུ་སོང་ནས་གཞི་རིམ་གྱི་ཏང་ཡོན་དང་ལས་བྱེད་པ། མང་ཚོགས་བཅས་དང་བཞུགས་མོལ་ཚོགས་འདུ་བསྡུས་པ་དང་།མཚོ་སྔོན་གྱི་བྱ་བ་སོ་སོའི་ཐད་བླངས་པའི་ལོ་རྒྱུས་རང་བཞིན་གྱི་གྲུབ་འབྲས་གསར་པ་དང་འཕེལ་རྒྱས་གསར་པར་ཟུང་འབྲེལ་བྱས་ནས། ཚང་མ་དང་མཉམ་དུ་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་བྱས་པའི་མྱོང་ཚོར་གླེང་།རྨ་ཤར་ཤང་གི་ཏང་ཨུའི་ཧྲུའུ་ཅི་ཝེ་ཆང་དང་ཝང་ཐུན་སྡེ་བའི་ཏང་ཀྲི་པུའུ་ཧྲུའུ་ཅི་པིས་ཧྲིན་ལུང་།རྨ་སྲིབ་གྲོང་རྡལ་ཞའེ་ཁྲུན་ཡོན་གཞིས་ཁུལ་གྱི་ཏང་ཀྲི་པུའུ་ཧྲུའུ་ཅི་ཀྲང་ཅིན་ལེན།སྨད་པ་སྡེ་བའི་སྡེ་དམངས་རྟ་མགྲིན་རྒྱ་མཚོ་བཅས་ཀྱིས་གྲོང་གསེབ་ཐོན་ལས་དར་སྤེལ་གཏོང་བ་དང་མི་དམངས་དམངས་གཙོའི་གཞི་རིམ་གྱི་ལག་ལེན་ཕུན་སུམ་ཇེ་ཚོགས་སུ་གཏོང་བ།སྡེ་བའི་ཐུན་མོང་དཔལ་འབྱོར་འཕེལ་རྒྱས་སུ་བཏང་ནས་མང་ཚོགས་ཀྱི་ཡོང་སྒོ་ཇེ་མང་དུ་གཏོང་བ་དང་ཕྱུག་པོར་བསྒྱུར་བར་སྣེ་ཁྲིད་པ་སོགས་ལ་དམིགས་ནས་སློབ་སྦྱོང་གི་མྱོང་ཚོར་གླེང་།

ཝུའུ་ཞའོ་ཅུན་གྱིས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པ་ནི་ཀྲུང་གོའི་ལུགས་ཀྱི་དེང་རབས་ཅན་གྱིས་རྒྱལ་ཁབ་སྟོབས་ལྡན་འཛུགས་སྐྲུན་བྱེད་པར་ཕྱོགས་ཡོངས་ནས་སྐུལ་འདེད་གཏོང་བ་དང་མི་རིགས་བསྐྱར་དར་གྱི་རླབས་ཆེན་བྱ་བར་སྐུལ་འདེད་གཏོང་བའི་གནད་འགག་དུས་སྐབས་སུ་བསྡུས་པའི་གྲོས་ཚོགས་ཧ་ཅང་གལ་ཆེན་ཞིག་ཡིན།ཚོགས་ཐོག་ནས་གྲོས་ཞིབ་བྱས་ནས་གྲོས་འཆམ་བྱུང་བའི་ཀྲུང་གུང་ཀྲུང་དབྱང་གི་བཅོས་སྒྱུར་ཕྱོགས་ཡོངས་ནས་སྔར་ལས་ཟབ་སྤེལ་བྱེད་པ་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་ཆོད་དོན་ནི་

དུས་རབས་གསར་པའི་སྐྱོད་ལམ་གསར་པའི་སྟེང་བཅོས་སྒྱུར་ཕྱོགས་ཡོངས་ནས་ཟབ་སྤེལ་བྱེད་པའི་གཏིང་ཚད་དང་གཞི་ཁྱོན་ཆེར་གཏོང་བའི་སྤྱིའི་སྐུལ་སློང་དང་སྤྱིའི་བཀོད་སྒྲིག་ཡིན་པས།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་དང་དྲིལ་སྒྲོགལག་བསྟར་བྱེད་རྒྱུ་དེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་དུ་རྟོག་ཞིབ་མཛད་སྐབས་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་བྱེད་པ་དང་ཟུང་འབྲེལ་བྱས་ཏེ།གཏན་ཕབ་གཉིས་ཀྱི་ཐག་གཅོད་རང་བཞིན་གྱི་དོན་སྙིང་ལ་གོ་བ་ཟབ་མོ་ལེན་པ།ས་བབ་དང་བསྟུན་ནས་བཅོས་སྒྱུར་གྱི་བྱེད་ཐབས་སྣ་ཚོགས་དོན་འཁྱོལ་བཟང་བོ་བྱས་ཏེ།

(འཕྲོ་མ་པར་ངོས2པར་གཟིགས།）(པར་ངོས1པོར་མཐུད་པ།)གོམ་སྟབས་རེ་རེ་བཞིན་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཀོད་པའི་རླབས་ཆེན་གྱི་འཆར་འགོད་དེ་མཛེས་སྡུག་གི་མངོན་སུམ་དུ་འགྱུར་བར་བྱེད་དགོས།བཅོས་སྒྱུར་ཟབ་སྤེལ་བྱེད་པའི་ཁྲོད་སྐྱེ་ཁམས་སྲུང་སྐྱོང་དམ་འཛིན་བྱེད་པ་དང་།སྐྱེ་ཁམས་གཙོར་འཛིན་པ་དང་ལྗང་མདོག་འཕེལ་རྒྱས་ནམ་ཡང་རྒྱུན་འཁྱོངས་བྱེད་པ།སྟོབས་ཤུགས་གཅིག་ཏུ་བསྡུས་ནས་སྐྱེ་ཁམས་དཔལ་ཡོན་གྱི་མཐོ་ས་གསར་སྐྲུན་བྱས་ཏེ། རྨ་ཆུའི་བཞུར་རྒྱུད་ཀྱི་སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་དགོས། བཅོས་སྒྱུར་ཟབ་སྤེལ་བྱེད་པའི་ཁྲོད་ཐོན་ལས་འཕེལ་རྒྱས་སུ་གཏོང་བ་གཙོར་འཛིན་པ་དང་། ཐོན་ཁུངས་ཀྱི་དགེ་མཚན་ལ་རྐང་འཛུགས་པ།ཁྱད་ལྡན་ཐོན་ལས་སྐྱེད་སྲིང་བྱས་ནས།སྤུས་ཚད་མཐོ་བའི་འཕེལ་རྒྱས་ཀྱི་སྒུལ་ནུས་གསར་པ་དང་དགེ་མཚན་གསར་པ་བསྐྲུན་དགོས།བཅོས་སྒྱུར་ཟབ་སྤེལ་བྱེད་པའི་ཁྲོད་མཁར་གྲོང་མཉམ་བསྲེས་བྱེད་པ་དམ་འཛིན་བྱེད་པ་དང་། ནུས་ཤུགས་ཅི་ཡོད་འདོན་པ་དང་གང་ནུས་ཅི་ལྕོགས་བྱེད་པ་རྒྱུན་འཁྱོངས་བྱས་ཏེ། ཀུན་ཕན་རང་བཞིན་དང་རྨང་གཞི་རང་བཞིན། མཐིལ་རྟོགས་རང་བཞིན་གྱི་དམངས་ཚིས་འཛུགས་སྐྲུན་ལ་ཤུགས་སྣོན་དགོས།བཅོས་སྒྱུར་ཟབ་སྤེལ་བྱེད་པའི་ཁྲོད་མི་རིགས་མཐུན་སྒྲིལ་དམ་འཛིན་བྱེད་པ་དང་།ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་བརྟན་པོ་འཛུགས་པ།མཛེས་སྡུག་གི་ཁྱིམ་གཞི་མཉམ་སྲུང་བྱས་ནས།སྐྱེ་ཁམས་སྲུང་སྐྱོང་དང་སྤུས་ཚད་མཐོ་བའི་འཕེལ་རྒྱས་ཐད་ནས་གྲུབ་འབྲས་སྔར་ལས་ཆེན་པོ་ལེན་པར་འབད་བརྩོན་བྱེད་དགོས་པ་ནན་གྱིས་བསྟན།

སྒྲོག་འགྲེལ་སྐབས་སུ།ཝུའུ་ཞའོ་ཅུན་སྔ་གཞུག་ཏུ་ཁྲི་ཀ་རྫོང་རྨ་ཤར་ཤང་དབྱང་ཅཱ་སྡེ་བ་དང་རྨ་ནུབ་གྲོང་རྡལ་ཧྲན་ཕེན་སྡེ་བ།རྨ་སྲིབ་གྲོང་རྡལ་ཞི་ཅཱ་ཙུའེ་སྡེ་བ།ཡུལ་སྐོར་རིག་གནས་ཐོན་ལས་ལས་སྐྲུན་གླིང་ཁུལ་བཅས་ལ་སོང་ནས། ཁྱད་ལྡན་ཐོན་ལས་འཕེལ་རྒྱས་ཀྱི་གནས་ཚུལ་ལ་རྟོག་ཞིབ་བྱས།ཁོས་བཅོས་སྒྱུར་གྱི་ཐབས་མཆོག་བཀོལ་སྤྱོད་བཟང་བོ་བྱེད་པ་དང་། གྲོང་གསེབ་དར་སྤེལ་ལ་ཕྱོགས་ཡོངས་ནས་སྐུལ་འདེད་གཏོང་བ།རྫོང་ཁོངས་དཔལ་འབྱོར་དར་རྒྱས་གོང་འཕེལ་གཏོང་བ།ཚན་རྩལ་གསར་གཏོད་ལ་ཤུགས་སྣོན་པ།གྲོང་གསེབ་ཐོན་ལས་སྤུས་འདེགས་ནུས་སྤེལ་བྱེད་པར་སྐུལ་འདེད་གཏོང་བ།ཞིང་ལས་ཐོན་རྫས་ཀྱི་རིན་འཕར་བར་སྟོང་རྒྱ་སྐྱེད་པ།ཞིང་བར་འབྲེལ་འདྲིས་དང་ཞིང་པར་སྣེ་ཁྲིད་བྱེད་པའི་རྐྱེན་སྲོལ་འཐུས་ཚང་དུ་བཏང་སྟེ།མང་ཚོགས་ཀྱིས་ཡོང་སྒོ་འཕར་བར་སྣེ་ཁྲིད་བྱེད་དགོས།དཔལ་འབྱོར་འཁོར་རྒྱུག་དང་བཀོད་གཏོང་ལ་ཤུགས་སྣོན་པ་དང་། བློ་བརྟན་འགྱུར་མེད་ཀྱིས་ལོ་ཧྲིལ་བོའི་དཔལ་འབྱོར་སྤྱི་ཚོགས་འཕེལ་རྒྱས་ཀྱི་དམིགས་འབེན་མངོན་འགྱུར་བྱེད་པ།ཞོད་འགོག་གི་འགན་འཁྲི་ཕྲག་ཏུ་ལེན་པ་དང་།གནམ་གཤིས་དང་ཆུ་དཔྱད།ས་གཤིས་གནས་བབ་ཀྱི་ལྟ་ཞིབ་དང་སྔོན་བརྡ་ཉེན་བརྡར་ཤུགས་སྣོན་པ།འཕྲལ་བསྟུན་བྱེད་ཐབས་ཀྱི་རྐྱེན་སྲོལ་ལག་བསྟར་བྱས་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་ལ་འགན་སྲུང་བྱ་དགོས་པ་ནན་གྱིས་བསྟན།